Акафист, тропарь, кондак и молитва

Акафист на распев:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

ТРОПАРЬ, КОНДАК

Творения протиерея Михаила (Труханова)

Тропарь, глас 4-й

Возлюбленная Богородицею великая страдалице мати
Макарие!/ Ты в жизни своими молитвами помогала
страждущим,/ и ныне моли Христа Бога спастися душам
нашим./

Кондак, глас 8-й

За твое, мати Макарие, смирение и терпение/ Господь
даровал тебе Свою святую благодать,/ дабы ты своими
деннощными молитвами/ испрашивала у него исцеления
недужным и утешение скорбящим/ и призывала приходящих
к тебе к покаянию и к жизни по вере Христианской./ Услыши
ныне, праведная мати, нас грешных/ и молися Христу Богу о
спасении душ наших./

АКАФИСТ СХИМОНАХИНЕ МАКАРИИ

Творение инокини Елисаветы

Кондак 1

Избранная от рода Российскаго нести страдания и болезни
всех, к тебе притекающих, венцем славы от Господа увенчан-
ная и яко имущая дерзновение пред Богом испроси у Него ис-
целения недужным и утешения скорбящим. Восхваляя по-
двиги и страдания твоя, с любовию поем ти:
Радуйся, блаженная старице мати Макарие, молящаяся
Христу Богу о спасении душ наших.

Икос 1

Богом данная на страдания для искупления грехов наших,
умудренная и благословенная на подвиг Богородицею, образ
смирения и терпения явила еси, ревность по Бозе и силу молитв
стяжавши, от всех болезней страждущих исцеляла еси.
Мы же, воспевая страдания твоя, зовем ти:
Радуйся, от младенческих лет Христа возлюбившая;
Радуйся, «Богом данная» нареченная;
Радуйся, на подвиг терпения страданий призванная;
Радуйся, с верою и трудолюбием понесшая крест твой;
Радуйся, с младенческих лет чудесами Христовыми укреп-
ляемая;
Радуйся, молитвеннице и страдалице наша пред Богом;
Радуйся, блаженная старице мати Макарие, молящаяся
Христу Богу о спасении душ наших.

Кондак 2

Видя Господь смирение благаго твоего сердца, в подвиге
смирения и терпения страданий от младенческих лет, дарова
тебе Небесного покровителя. Мо-литвами твоими наши серд-
ца верою и любовию к Богу воспламени, творяще Ему ангель-
скую песнь: Аллилуйя.

Икос 2

Разумом свыше просвещаемая, блаженная мати Макарие, с
младенчества сподобилася еси явления преподобнаго Тихона
Калужского, избраннаго Господом быти ти Небесным покро-
вителем, укрепляющим тя своими святыми молитвами. Мы
же с любовию взываем ти сице:
Радуйся, благодатию Божиею измлада наделенная;
Радуйся, богодухновенным словам святаго Евангелия вни-
мавшая;
Радуйся, явления святаго преподобнаго Тихона Калужска-
го сподобившаяся;
Радуйся, молитвенному подвигу им научаемая;
Радуйся, издетска всеми обижаемая;
Радуйся, Царицею Небесною укрепляемая;
Радуйся, блаженная старице мати Макарие, молящаяся
Христу Богу о спасении душ наших.

Кондак 3

Силою божественною укрепляемая, Духом Его Святым пи-
таемая, яко древле Царица Небесная удостоилася пребывания
в алтаре у престола Божия, тако и ты, блаженная старице,
еще в раннем отрочестве лишенная возможности ходити, бы-
ла допущена Господом на пребывание в алтаре храма. Мы же,
чудящеся таковому Божественному произволению, поем Ему:
Аллилуйя.

Икос 3

Имуще от Бога дар прозорливости и молитвы, даром сим
Божественным страдания других утоляла еси, терпя за сие
обиды и поругания, от Бога же любовь и укрепление.
Мы же вернии таковому к тебе Божию произволению дивя-
щеся с любовию глаголем:
Радуйся, пророческим даром от Бога наделенная;
Радуйся, в алтаре храма у престола быть удостоенная;
Радуйся, Духом Его Святым питаемая;
Радуйся, Словом Его поучаемая;
Радуйся, Невестою Христовою нареченная;
Радуйся, на служение людям сотворенная;
Радуйся блаженная старице мати Макарие, молящаяся
Христу Богу о спасении душ наших.

Кондак 4

Буря радости и недоумения обыде мя, како возмогу пети
житие блаженныя праведницы, Материю Божиею измлада
Матушкой называемыя, Небесной стражей охраняемыя, Ду-
хом же Святым престола Божьего сподобляемыя, святым Си-
меоном Богоприимцем от язв исцеляемыя. Дивящеся таково-
му Божию о тебе произволению, поем Ему: Аллилуйя.

Икос 4

Слышавше о твоих, мати Макарие, особых небесных даро-
ваниях и о твоем избранничестве, иеромонах Иоанн, осеняе-
мый произволением Божиим, внесе тя во алтарь, на удивле-
ние в храме находящихся. Мы же терпению и смирению твоему
поклоняемся. Сего ради приими от нас, недостойных, по-
хвалы сия:
Радуйся, в церкви иереем Божиим встречаемая;
Радуйся, им во алтарь вносимая;
Радуйся, Материю Божиею молитвам обучаемая;
Радуйся, Богородицею Матушкой измлада наречённая;
Радуйся, Небесной стражей охраняемая;
Радуйся, угодником Божиим Симеоном Богоприимцем ис-
целяемая;
Радуйся, блаженная старице мати Макарие, молящаяся
Христу Богу о спасении душ наших.

Кондак 5

Благодать Божия просия на тебе, блаженная мати Макарие,
егда осьми лет сущи ты уснула еси на четыренадесять дни и в
сием сне Божественнем сподобилася еси видения Ангела Хра-
нителя и райских обителей.
Мы же, радующеся таковому Божию о тебе произволению,
благодарственно поем Богу: Аллилуйя.

Икос 5

Видевши обилие чудес от Господа и Царицы Небесныя на тя
истекающия, послужила еси Ему постом и молитвою, и к
страждущим явила еси велию любовь й милосердие. Мы же,
почитающе подвиги и страдания твоя, во младости волею
Христа ради подъятые, умиленно вопием ти:
Радуйся, зрения райских обителей Богом удостоенная;
Радуйся, Ангелом Хранителем по тем светлым обителей
пронесенная;
Радуйся, чертог Самаго Христа узревшая;
Радуйся, видения Архангелов Божиих сподобившаяся;
Радуйся, Материю Божиею мученицей нареченная;
Радуйся, от Бога наслаждения миром невидимым одарен-
ная;
Радуйся, блаженная старице мати Макарие, молящаяся
Христу Богу о спасении душ наших.

Кондак 6

Бурею одержимии помышлений нечестивых, ближнии
твои оставиша тя, о блаженная мати Макарие, умирати еди-
ну. Жители же места того, уповая на волю Божию, приведоша
тебе малыя чада своя. Ты же, благодатию Божиею осеняемая,
упасла еси всех, ихже даде ти Господь на сохранение. Таяжде
сила Божия осени тя ко благочестию и научи тя славити Еди-
наго Бога и воспевати Ему: Аллилуйя.

Икос 6

Имея неоскудное милосердие ко всякому человеку, наипаче
же к болящим и сирым, блаженная мати Макарие, отрокови-
цею сущи, явилася еси добрая матерь чадом Божиим, остав-
ленным на твое попечение, помози и нам, блаженная, прейти
сие земное поприще во благом делании, да величая поем ти:
Радуйся, блаженная мати Макарие, мученице Христова;
Радуйся, обращение людей в веру Православную совершав-
шая;
Радуйся, жестокосердными родственниками покинутая;
Радуйся, Царицею Небесною не оставленная;
Радуйся, всех чад Божиих, тебе врученных, сохранившая;
Радуйся, страданьми своими духовно возросшая;
Радуйся, блаженная старице мати Макарие, молящаяся
Христу Богу о спасении душ наших.

Кондак 7

Богосветлою звездою явилася еси блаженная мати Мака-
рие, егда в Боготканную одежду послушницы Христовы со
именем Тихона облеклася еси; духовно укрепльшеся, приле-
пилася еси всем сердцем твоим к единому Богу. Тем же и мы,
вернии, поем Ему: Аллилуйя.

Икос 7

Новое чудо показа Господь, егда облече тя, блаженная мати
Макарие, во одежду Невесты Христовы и дарова ти благодать
и силу болезни врачевати, духов злобы изгоняти, немоществу-
ющих укрепляти, подвизая к постническому и подвижническому
подвигу Его ради. Тем же и нас, грешных, твоею молит-
вою исцели, да благодарственно воспоем ти:
Радуйся, праведнице, от Бога нам ниспосланная;
Радуйся, в Боготканную одежду облеченная;
Радуйся, всем сердцем к Богу прилепившаяся;
Радуйся, от страстей земных благодатию Божиею освобо-
дившаяся;
Радуйся, словесам Божиим Царицею Небесною поучаемая;
Радуйся, Материю Божиею охраняемая;
Радуйся, блаженная старице мати Макарие, молящаяся
Христу Богу о спасении душ наших.

Кондак 8

Хотящая от мира сего отрещися, смиренномудрием и сост-
раданием побуждаемая, воссияла еси, яко новое светило в
земли Российстей, егда прияла, о блаженная мати Макарие,
великий Ангельский чин — схиму, неся скорбящим утеше-
ние, болящим исцеление, немощствующим от духов злобы из-
бавление. Мы же, стремящийся к тебе, яко источнику чудес, с
благодарностию возопиим Богу: Аллилуйя.

Икос 8

Возсия в тебе обильно благодать Божия, о блаженная мати
Макарие, егда ты чин Ангельский восприяв, избрана бысть бо
Царицею Небесною на подвиг страдания. Мы же, дивяся сми-
рению твоему, взываем ти сице:
Радуйся, путь великаго Ангельскаго чина избравшая;
Радуйся, обетом страдания высоту духа твоего показавшая;
Радуйся, строгия молитвенныя правила и затворничество
восприимшая;
Радуйся, страдания Христовы возлюбившая;
Радуйся, скорбь и боль России вместившая;
Радуйся, смирением несмиренных просветившая;
Радуйся, блаженная старице мати Макарие, молящаяся
Христу Богу о спасении душ наших.

Кондак 9

Якоже свеща среди мрака безбожнаго возжжена была еси
Господом, блаженная старице Макарие, поставленная на слу-
жение Богу и людем, любовь ко Господу и милосердие ко бра-
тием и сестрам нашим во страданиех и болезнех возгревающи.
Да и мы твоим наказам внимающи, воспоем Богу: Аллилуйя.

Икос 9

Вития многовещанныя, о блаженная мати Макарие, не воз-
могут по достоянию восхвалити страдания твоя, за скорбя-
щия и болящия претерпеваемыя, праведность твою и святость
твоего подвига. Мы же, таковым дивящеся, в немощи нашей
малыя сия хваления приносим ти:
Радуйся, Богу житием твоим угодившая;
Радуйся, простой люд возлюбившая;
Радуйся, за люди душу свою положившая;
Радуйся, заповедь Божию о любви сохранившая;
Радуйся, венец славы от Бога приявшая;
Радуйся, в житии своем ближняго самоотверженно возлю-
бившая;
Радуйся, блаженная старице мати Макарие, молящаяся
Христу Богу о спасении душ наших.

Кондак 10

Проповеднице Богоносная, блаженная мати Макарие, не-
престанно боряся с силами тьмы, увещевала и утешала еси
страждущих, болящих и скорбящих. Мы же укрепляющему
тя Богу воспоим: Аллилуйя.

Икос 10

Возсия в тебе, блаженная старице Макарие, обильно Боже-
ственный дар прозорливости, егда избра тя Господь на подвиг
служения Ему, яко Своему пророку открывая тебе прошлое и
будущее в назидание, увещевание и утешение страждущих.
Таковому Божию о тебе промытшлению радующеся зовем ти:
Радуйся, дар прозорливости Божественныя стяжавшая;
Радуйся, скорби людския собравшая;
Радуйся, свеща неугасимая в молитвах к Богу горящая;
Радуйся, страдания людския зрящая;
Радуйся, дерзновение пред Богом за страждущих явившая;
Радуйся, болезни и скорби в себе вместившая;
Радуйся, блаженная старице мати Макарие, молящаяся
Христу Богу о спасении душ наших.

Кондак 11

Все воинство Ангельское возрадовашеся, видя тя, блажен-
ная старице Макарие, безсонныя ночи проводящую в непре-
станных горячих молитвах к Богу, имиже побеждающую ми-
родержителя тьмы и прелести века сего, темже воспоим к Бо-
гу: Аллилуйя.

Икос 11

Воссияла еси паче Солнца добродетельми твоими в земли
Российстей и была истинная матушка возлюбленным чадом,
милосердная и досточудная угоднице Божия, блаженная мати
Макарие. Сердца же скорбящих и в нуждах приходящих к те-
бе чрез соприкосновение со благодатию приводила еси к Богу.
Приими и нас, добрая мати, с любовию к тебе прибегающих и
вопиющих сице:
Радуйся, скорбящим и в бедах сущим мати и питательнице;
Радуйся, обидимых защитительнице;
Радуйся, душеполезными советы нам помогающая;
Радуйся, праведнице, от Бога нам ниспосланная;
Радуйся, целительнице, недуги наша исцеляющая;
Радуйся, Божия благодати цельбоносный источниче;
Радуйся, блаженная старице мати Макарие, молящаяся
Христу Богу о спасении душ наших.

Кондак 12

Благодать Божию источаеши, блаженная старице Макарие,
на всех, чтущих твою память и прибегающих к заступлению и
помощи твоея. Не лиши и нас, еще странствующих на земли,
твоея помощи и заступления, источи от Бога благодать
исцеления, да поем Ему: Аллилуйя.

Икос 12

Поюще многие твоя чудеса, блаженная мати Макарие,
ублажаем твою праведную кончину, почитаем духовную
память твою, яко многоценныя молитвенницы за люди
российския. Восхваляем тя, блаженная мати, и всеусердно
молим: помози нам, о мати Макарие, своими святыми
молитвами, да укрепит Господь волю нашу, дабы жити нам по
заповедем Его и пребывати верными чадами Церкви
Православный. В Нем же тобою утверждаёми, зовем ти:
Радуйся, праведности нас научающая;
Радуйся, скорби и немощи наша врачующая;
Радуйся, духовно укрепляющая;
Радуйся, веру Православную утверждающая;
Радуйся, Божия избраннице Отечества Российского;
Радуйся, блаженная старице мати Макарие, молящаяся
Христу Богу о спасении душ наших.

Кондак 13

О, блаженная мати Макарие, радосте наша, услыши ныне
воспеваемое тебе . хвалебное пение и моление, и
предстательствуя пред Господом, вознеси ныне свою
дерзновенную молитву о нас, многогрешных, испроси у
Спасителя нашего Господа Бога Иисуса Христа дух правыя
веры и благочестия, дабы утвердил он нас в добродетели и
милосердии, в терпении и смирении, да сподобимся в обители
Его райския внити и славити Пресвятую Троицу святым
пением: Аллилуйя.
Сей кондак читается трижды, затем Икос 1 и Кондак 1.

МОЛИТВА К ПРАВЕДНОЙ СХИМОНАХИНЕ МАКАРИИ

О, Праведная мати Макария!
Ты сама с детских лет терпела нужду, и голод, и холод,
и бесприютные скитания, навсегда болезнию
приковавшия тебя к постели.
Ты сама всю жизнь терпеливо, безропотно и смиренно
несла крест любви своей к Богу и ближним, потому и была
для многих светочем, излучающим пример терпения,
смирения и любви.
Ты сама в скорбной безпомощности своей обретала
облегчение, утешение и радость только в Божественной
благодати, даруемой за смиренную непрестанную молитву
ко Христу Богу и Его Пречистой Матери, Приснодеве
Марии.
И знаем мы, как многих скорбящих ты утешала,
малодушных наставляла и направляла ко Христу и
Церкви Православной. Знаем и то, что молитва твоя о
болящих и бедствующих всегда по вере приходящих была
и целительной, и благодетельной.
Веруем мы, что и ныне за свое смирение, за свою
праведность ты, о мати Макария, удостоена от Господа
блаженного пребывания со святыми во обителех
небесных. Веруем мы, что и ныне ты не оставляешь
безутешными всех просящих твоей помощи и твоих
святых молитв.
О, праведная мати Макария!
Вознеси ныне ко Господу свою дерзновенную молитву о
нас, многогрешных, да помилует Он нас, по велицей
милости Своей, и да простит грехи наши. Да укрепит
Господь волю нашу, чтобы жить по заповедям Его и
пребывать верными чадами в Церкви Православной.
Помоги нам, о мати Макария, своими святыми
молитвами, чтобы неуклонно шествовать по
спасительному пути, указанному Христом, и все в жизни
творить во славу Божию. Аминь.